Sameiginlega ábyrgðin

Foreldrar og skóli bera sameiginlega ábyrgð á að nemendur fái eins góða skólagöngu og mögulegt er. Ef samstarf á milli skóla og heimilis er ekki vel virkt, er ekki mögulegt að skapa nauðsynlegar forsendur fyrir að einstakir nemendur geti þróað sína hæfileika til fullnustu. Samt er það þannig að skóli og heimili bera ekki sömu ábyrgð á öllum atriðum skólastarfsins. Það eru ákveðin atriði sem foreldrar bera höfuðábyrgð á og önnur atriði sem skólinn ber höfuðábyrgð á.

Þetta er á ábyrgð foreldranna

Að nemendur eru tilbúnir til að taka á móti kennslu. Þetta þýðir t.d.

að vakna tímanlega og að mæta á réttum tíma
að borða góðan morgunmat
að fylgja eftir heimanámi
að kunna mannasiði
að innræta jákvætt hugarfar
að vera vel nærðir á sál og líkama
að trufla ekki kennslu
að óútkljáð vandamál komi ekki inn í skólann
að tala saman um skólann/kennsluna á jákvæðan hátt
að temja nemandanum jákvætt viðhorf til náms
að nemendur fái hvatningu heima

Að styðja við skólagöngu nemenda á virkan máta. Það þýðir t.d.

að mæta á viðburði í skólanum
að sjá til þess að nemandinn læri á ákveðnum tíma og komi vel undirbúinn
að fylgjast með heimanáminu og aðstoða við heimalestur
að leggja til kunnáttu og miðla reynslu með virkri þátttöku
að styðja við beiðnir sem skólinn sendir á foreldra
að foreldrar sýni góða fyrirmynd í leik og starfi
að hafa hag nemandans fyrir brjósti og að hann fái þá aðstoð sem hann á rétt á
að vera í góður sambandi við starfsfólk skólans
að tala jákvætt um skólann og starfsfólk
að taka á neikvæðum athugasemdum með réttlæti og hlusta
að sýna viðfangsefnum nemenda áhuga

Að stunda uppbyggjandi og jákvæða samvinnu með skólanum. Þetta þýðir t.d.

að taka virkan þátt í starfi skólans
að foreldrar séu virkir í foreldrafélaginu
að mæta á foreldrafundi
að foreldrar taki þátt í félagslífi nemandans
að tala vel um skólann þegar nemandinn heyrir, alltaf
að nemendur beri virðingu fyrir eigum skólans og annarra
að upplýsa um gildi náms
að láta vita ef vel er gert
að láta vita ef betur má fara
að vera í góðu sambandi við kennara og annað starfsfólk
að muna að skólinn er sameign samfélagsins og því samábyrgð okkar allra

Að vinna með í að nemendur og kennarar hafi góð samskipti í skólanum. Það þýðir t.d.

að tala jákvætt um skólastarfið. Gæta þess sem sagt er við nemendur um skólann og starfsfólk hans
að kenna umburðarlyndi
að kenna kurteisi og virðingu fyrir ólíkum skoðunum
að kenna að rökstyðja mál sitt
að viðhafa kurteisi í samskiptum við skólann, foreldrar eru fyrirmynd
að vera með í undirbúningi uppákoma
að vera í góðu sambandi við kennara
að nemendur trufli ekki kennslu, heldur séu fróðleiksfús
að nýta viðtalstíma
að nota Mentor skipulega

„Við komum fram við aðra eins og við viljum að aðrir komi fram við okkur og við tölum við aðra eins og við viljum að aðrir tali við okkur.“

Þetta er á ábyrgð skólans

Að kennslan sé eins góð og mögulegt er. Þetta þýðir t.d.

að kennarar séu fagmenntaðir og hafi metnað í starfinu
að kennarinn sé stundvís og vel undirbúinn
að kennarar þekki helstu frávik þroskaraskana og vanda sem nemendur geta átt í
að mæta þörfum ólíkra einstaklinga
að fylgjast með og nýta sér tækninýjungar
að stuðla að jákvæðu og uppbyggjandi starfsumhverfi
að skólastjórnendur fylgi eftir að kennarar nýti sér nýjar kennsluaðferðir, endurmenntun, kennsluefni
að kennslan sé nemendamiðuð, ekki kennaramiðuð
að nemendur fái nám við hæfi hvers og eins
að kennarar sinni einstaklingsmiðuðu námi
að nemendur fái jákvæða endurgjöf á verkefni sín
að stjórnendur styðji starfsliðið svo hægt sé að ná því besta frá hverjum og einum
að kennarinn noti fjölbreyttar kennsluaðferðir, kennslugögn og gangi úr skugga um að nemandinn skilji hvað sagt er
að kennsluumhverfið sé opið, þ.e. ekki hver í sínu horni, heldur að kennarar, stjórnendur og foreldrar leggi sitt af mörkum til að miðla reynslu og þekkingu
að einbeita sér að fáum þróunarverkefnum í einu, mikið rót og breytingar virka illa á nemendur og starfsfólk
að það sé heildarstefna í uppbyggingu námsins sem nær í gegnum öll þrjú stig skólastarfsins

Að leggja sitt af mörkum til að nemendur og kennarar hafi góð samskipti í skólanum. Þetta þýðir t.d.

að bera virðingu hvert fyrir öðru, starfsfólk sýni gott fordæmi
að starfsfólk skólans beri virðingu fyrir störfum hvers annars, öll störf eru hlekkir í sömu keðjunni sem aldrei verða sterkari en veikasti hlekkurinn
að nemendur og starfsfólk temji sér virðingu í öllum sínum samskiptum hvort sem það er vegna jákvæðrar eða neikvæðrar hegðunar. Öskur eru ekki samskipti og ættu með öllu að vera bönnuð því þau leiða aðeins til neikvæðni og spennu manna í milli
að stjórnendur sjái til þess að starfsfólk búi yfir færni í mannlegum samskiptum
að kennari sýni nemendum virðingu og hvetji þau áfram
að agamál séu tekin föstum tökum
að sýna jákvætt viðmót og hlusta
að upplýsingastreymi sé gott á milli heimilis og skóla
að kennarinn leiti lausna þegar eitthvað bjátar á og sætti ólík sjónarmið
að kennarinn sé geðgóður og hafi kímnigáfuna í lagi og láti ekki pirring bitna á nemendum
að koma á menningu jákvæðra samskipta í öllu skólastarfinu, slíkt er í samræmi við einkunnarorð skólans
að samveran í skólanum er í samræmi við grundvallarreglur skólans

Að stunda uppbyggjandi og jákvæða samvinnu með heimilunum. Þetta þýðir t.d.

að nýta Mentorinn
að starfsmenn svari tölvupóstum
að skólinn gefi út samskiptareglur og kynni fyrir foreldrum
að heimilið og skólinn sameinist um að styrkja nemandann sem einstakling
að heimilið fái stuðning og leiðbeiningar varðandi hag nemandans
að upplýsa foreldra um kröfur kennarar í námsgreinum
að kennarar séu vel upplýstir um námsörðugleika og líðan nemenda
að láta vita þegar vel gengur
að vera með uppbyggilega/fræðandi/uppeldislega fyrirlestra
að virkja foreldra til þátttöku í skólastarfi
að funda reglulega með foreldrafélaginu
að hlusta á skoðanir heimilanna
að bjóða foreldra velkomna til þátttöku og senda skýr skilaboð að þeir séu alltaf velkomnir, ekki bara á fyrirfram ákveðnum dögum. Gott að vita að maður er velkominn
að virða frávik og óvæntar uppákomur sem geta orðið hjá heimilunum
að setja starfsdaga framan eða aftan við frí nemenda

Að vinna með í að nemendur og kennarar hafi góð samskipti í skólanum. Það þýðir t.d.

að upplýsingaflæðið sé óhindrað
að kennari gefi skýr fyrirmæli
að skapa menningu jákvæðra samskipta
að nemendur, kennarar og annað starfsfólk sýni virðingu og jákvæð samskipti
að virða sjónarmið nemenda
að vera jákvæður gagnvart öllum nemendum
að beita virkri hlustun
að nemendur læri að hlýða boðvaldi kennara og beri virðingu fyrir því að kennarinn verður að stýra starfinu til að hægt sé að stunda námið af kappi

„Við komum fram við aðra eins og við viljum að aðrir komi fram við okkur og við tölum við aðra eins og við viljum að aðrir tali við okkur.“