Bókasafn Stóru-Vogaskóla og Lestrarfélagið Baldur

Stóru-Vogaskóla
Tjarnargötu 2
190 Vogar

Opnunartímar bókasafnsins:

Mánudaga kl. 08-13

Þriðjudaga kl. 08-18

Miðvikudaga kl. 08-18 

Fimmtudaga kl. 08-18 

Föstudaga kl. 08-13

Laugardaga kl: 10-12

Vinsamlegast athugið að

  • bókasafnið getur verið lokað yfir sumartímann og á Facebook síðu Lestrarfélagsins Baldurs (sjá tengil hér fyrir neðan) má alltaf finna rétta opnunartíma og upplýsingar um sumarlokun,
  • bókasafnið er ekki með posa og tekur á móti greiðslum einungis í reiðufé.

Forstöðumaður bókasafns er:  
Svava Bogadóttir

Starfsmaður bókasafns er:  
Lauma Gulbe

Sími: 440 6289
Netfang: bokasafn@vogar.is

Lestrarfélagið Baldur á Facebook

 

UM BÓKASAFNIÐ

Bókasafnið er til húsa í Stóru-Vogaskóla og hýsir skólabókasafnið og almenningsbókasafnið sem gengur undir nafninu Lestrarfélagið Baldur. Einnig er samstarf milli bókasafnsins og annarra almenningsbókasafna á Suðurnesjum. Þannig geta skírteinishafar fengið lánaðar bækur á bókasöfnum nágrannasveitarfélaganna á Suðurnesjum.

Safnkostur: íslenskar skáldsögur, þýddar skáldsögur, ævisögur, fræðirit ýmis konar, barnabækur, unglingabækur, handbækur, hljóðbækur, tímarit og teiknimyndasögur. Samtals á bókasafnið um það bil 13.000 safngögn.

Ef þú hefur áhuga á bókum eða tímaritum sem ekki eru á safninu, þá endilega láttu bókavörð vita!

Ágæt aðstaða er til lestrar og náms á bókasafninu og er fólk hvatt til að nýta sér þá aðstöðu. Starfsmaður bókasafnsins er fólki innan handar um að finna og velja bækur.

 

HVERNIG VIRKAR ÞETTA?

  • Verð á bókasafnsskírteini er 2500 ISK og það þarf að endurnýja árlega. Skírteini eru ókeypis fyrir börn yngri en 18 ára og eldri borgara.
  • Útlánstími á hverja bók er 30 dagar, en nýjar bækur eru lánaðar í 14 daga. Hægt er að fá lán framlengt ef ekki er búið að panta bókina. Framlengja má lánstíma bóka með því að fara inn á eigið svæði í www.leitir.is  og endurnýja sjálfur eða hringja í bókasafnið, en aðeins ef pöntun á þeim liggur ekki fyrir. Ef farið er fram yfir lánstíma, eru dagssektir 150 ISK fyrir hvert eintak.
  • Nemendur í Stóru-Vogaskóla greiða ekki sektir af bókum sem þeir taka að láni á bókasafnsskírteini í skóla.
  • Miðað er við að hver lánþegi geti verið með mest 20 bækur í láni í einu.
  • Nemendur í Stóru-Vogaskóla mega hafa 3 bækur í láni í einu.
  • Hægt er að fá bækur í millisafnaláni. Með millisafnalánum er átt við það þegar bókaverðir útvega rit sem bókasafnið á ekki, frá öðrum bókasöfnum þar sem lánþegi er ekki með bókasafnsskírteini. Það kostar póstburðargjald að fá bækur í millisafnaláni.
  • Einnig er hægt að láta taka frá fyrir sig bækur sem eru í útláni.

 

ERUM VIÐ MEÐ BÓKINA SEM ÞÚ VILT AÐ LESA?

Til að leita nákvæmlega í okkar bókasafni þægilegast er að nota þessa vefslóð https://vogar.leitir.is

Á vefnum www.leitir.is býðst aðgengi á einum stað að fjölbreyttum safnkosti bókasafna á Íslandi og efni valinna sérsafna. Kerfið veitir upplýsingar um safnkost og aðgang að rafrænu efni hvort sem um er að ræða texta eða myndrænt efni. Jafnframt eru rafrænar tímaritsgreinar og gagnagrunnar á hvar.is.

Eftir að hafa fengið lykilorð frá bókasafninu (við mælum með að lykilorði sé breytt eftir fyrstu innskráningu) eða með rafrænum skilríkjum eða Íslykli er hægt að skrá sig inn á www.leitir.is Smellt er á Innskráning og valið Almenningsbókasöfn. Ef maður velur Notandanafn til að skrá sig inn er kennitalan slegin inn (án bandstriks) í reitinn Notandanafn og síðan lykilorðið í reitinn þar fyrir neðan. Svo er smellt á Innskrá og á  Mínar síður.

Á Mínum síðum geta viðskiptavinir:

  • Séð hvað þeir eru með í láni og einnig útlánasögu sína.
  • Endurnýjað lán ef enginn biðlisti er eftir gögnunum.
  • Sett sig á biðlista eftir gögnum sem eru í útláni.
  • Skoðað frátektirnar sínar og séð hvar í röðinni þeir eru.

Eftir sem áður er viðskiptavinum velkomið að hringja í bókasafnið og spyrjast fyrir um stöðu sína eða fá lán framlengd. Síminn er 440 6289.

 

ÖNNUR ÞJÓNUSTA

Ljósrit og útprentun A4 - 55 kr.

Ljósrit og útprentun A3 - 170 kr. 

Plöstun A3 – 330 kr.

Plöstun A4 - 220 kr.

Plöstun A5 - 110 kr.

 

Nokkrir gagnlegir tenglar:
www.leitir.is (upplýsingar um safnkost bókasafna á Íslandi og ýmissa sérsafna)
www.hvar.is (landsaðgangur að rafrænum tímaritum og gagnasöfnum)
www.timarit.is (tímarit og dagblöð frá Íslandi, Færeyjum og Grænlandi)
http://bokasafn.reykjanesbaer.is/default.aspx (Bókasafn Reykjanesbæjar)
www.landsbokasafn.is (Landsbókasafn Íslands-Háskólabókasafn)
www.borgarbokasafn.is (Borgarbókasafn Reykjavíkur)
Bækur og greinar sem fjalla um sveitarfélagið

Verið velkomin á bókasafnið ykkar í Vogum!

  • Vogar
  • Saft
  • Heimili og skóli
  • Barnaheill
  • Mentor
  • Twinning School